ستي مرتا

الى روح جدتي المرحومة مرتا مارون

ـ1ـ

ستّي مرتا.. صرلي زمان

بدّي إشكيلك همّي

حبّك، يا أغلى النسوان

حاسس عم يمشي بدمّي

ذكرك باقي بالهجران

متّي.. وبعدك بتلمّي

عيالك.. يا أرزه بلبنان

يا أحلى غنيّة حب

زهّر إسمك ع تمّي

ـ2ـ

بتذكّر هاك الايام

وهاك الطلّه المضويه

وبعدي بشوفك بالاحلام

قدّيسه برساويّه

بغمّض عيني كل ما بنام

بتغفى ع صدري شبيّه

يا ستّي.. مرقت أعوام

غبتي.. وسكنتي فيي

بالجنّه رسمك رسّام

صوره من أحلى ما يكون

ألوانا من عينيّي

**