الى روح امرأة خالي أليس مارون
يا مرت خالي الحزن بكّاني
ع خيّ صعبه ينوجد تاني
وهلق خسرتك يا حنونه وصرت
اندب لحالي بعتم هجراني
ع مين إبكي، يا أليس، احترت
راحوا الأحبه ومرمر زْماني
كنتي الأمومه البالشعر عطّرت
واليوم بكيت دم قصداني
قولي لخالي بالقلب مسمرت
إسمو.. تا يبقى الاسم إنساني
يا مرت خالي بالهجر ختيرت
وبعدك بـ عيني ملاك ربّاني
مع ولادك والبنات كبرت
عيلة قداسه بحب منصانه
عليكي وع خيي من القهر هسترت
بيوم واحد هالخبر جاني
بركان دمعي بالهجر فجّرت
كترت عليي كتير أحزاني
**
