الى روح الصديق الغالي جوزيف فاخوري
ـ1ـ
يا مار يوسف وسّع الأحضان
جوزيف فاخوري رحل عنّا
من الصعب يخلق متل هالإنسان
ضمّو ع صدرك فوق بالجنَّه
ـ2ـ
جوزيف قلبو نبع للإيمان
وبمحبتو ع طول نتهنّى
كيف رح عزّي الوطن لبنان
وبغربتو بالأرز يتغنّى
ـ3ـ
وسيدني العظيمه قلبها زعلان
ع شخص جنّى بأرضها وبنّى
كان للصداقه والوفا عنوان
وتا صير متلو كنت إتمنى
ـ4ـ
بعزّي العيله الشبّعا تحنان
وإلاّ بإسمو ما بتتكنّى
عيلة قداسه زيّنت هجران
نور المحبه بينطلق منّا
ـ5ـ
جوزيف فاخوري صعب تا يموت
قديس مش رح ينتهي بتابوت
ربوع السما "زوزو" بتستنّى
**
